اولا قبل كل شيئ عايزك تعرف عملة روسيا ايه.
عملة روسيا هي الروبل الروسي.
والروبل بيساوي واحد سنت دولار. وواحد وعشرين قرش مصري.
يعني 1دولار بيساوي73روبل. وواحد جنيه مصري بيساوي 4.75قرش مصري.
بالتأكيد انت اتخضيت دلوقتي لما عرفت ان الروبل أضعف من الجنيه المصري ودي حقيقة مش كدب.
بس اللي انت متعرفهوش ان المرتبات في روسيا عالية شوية ازاي هقولك مثال بسيط.
راتب العامل يبدأ من 30000الف الي 50000الف وأحيانا 70000الف ولوحسبناها مع بعض هنلاقي تقريبا 30,000 حوالي 6290 جنيه مصري
وال50000 حوالي 10500 جنيه مصري
وال70000 حوالي 14500 جنيه مصري.
رواتب الحكومة والقطاع الخاص في روسيا
- دكتورأمراض نساء وتوليد بتبدأ من 90000الف روبل في الشهر.
- التجميل. بتبدأ من 90 الف في الشهر.
- التخدير بتبدأ من 66 الف في الشهر.
- المحامي 160الف في الشهر.
- المحاسب 350الف في الشهر.
- مدير بنك 500 الف في الشهر.
- الطيار 400الف في الشهر.
- القاضي من 70 الف الي 100الف في الشهر.
- طبيب أسنان من80الف الي 90الف في الشهر.
- صيدلي 60الف في الشهر.
- مهندس 80الف في الشهر.
- مدرس من 40الف الي100الف في الشهر.
- قبطان بحري 200الف في الشهر.
- رواتب الجيش
- الصف ظباط من 25الف الي38الف في الشهر.
- الضباط من 40الف الي اعلي رتبة في الجيش 136الف في الشهر.
- رواتب الشرطة من 40الف حتي اعلي رتبة 80الف في الشهر.
وبيختلف الراتب حسب المنطقة اذا كانت مدينة أو نائية وحسب قدرتك ومهارتك وبالتاكيد اخر حاجة حسب اخلاصك وتفانيك في عملك.
لكن في شباب كتيرة بعد ماوصلت روسيا وشافت المرتبات وحسبتها في دماغها تقولك لا.
مش جايبة همها انا هسافر إيطاليا او فرنسا او اي بلد في الاتحاد الأوروبي.
عايز اقولك حاجة مهمة ومش هتلاقي حديقولهالك في اي مكان غيري.
- اوعي تفتكر لما تروح إيطاليا اوفرنسا هتلاقي اليورو مرمي هناك في الشارع وهتعبي وتبعت مصر.
- اوعي تفتكر انك هتلاقي قبض الفين او تلت آلاف يورو في الشهر.
- اوعي تفتكر انك هتروح هتلاقي الإيطاليين والفرنسيين سايبين لغتهم وبيكلموك عربي.
- اوعي تفتكر مهما كنت سبع في بلدك وواد خلاصة انك هتسلك معاهم وحاجات كتيرة واكتر.
هتقولي مافي ناس راحت هناك وعملت وعمالة تبعت والخير هناك كتير وبزيادة.
انا هرد علي سؤالك ده لكن هسيبوا في الاخر واكمل كلامي.
انا هديلك مثال بسيط جدا.
الكويت دولة عربية وعملتها الدينار الكويتي والدينا الواحد بيساوي حوالي 60 جنيه مصري.
بالتأكيد دماغك هتروح بعيد وتتخيل 60جنيه مصري يعني لو راتبي 1000دينار يعني حوالي60الف جنيه مصري في الشهر.
كلام جميل لكن علي ارض الواقع لما بتسافر الكويت بتلاقي يكتبلك في العقد من300ال350دينار في الشهر حوالي 19 الف جنيه مصري.
هترد عليا وتقولي احسن من روسيا او فرنسا.
انا معاك بس انت نسيت حاجات مهمة
- اكلك وشربك بكام
- سكنك بكام
- موصلاتك بكام
- هتدفع كام في الفيزا من إجراءات واوارق مطلوبة منك.
- الشخص اللي هيسفرك هياخد منك كام
- هتبقي حر وتشتغل في اي مكان حسب رغبتك بدون الكفيل
- المعاملة وخاصة انك مصري
- ايه المقابل لوقعدت اكتر من 15سنة في الكويت هتاخد الجنسية
- وحاجات كتير هتنصدم بيها وبس مش في الكويت في اي دولة عربية او أوروبية وعشان كده العملة اخر حاجة تفكر فيها.
وهرجع للسؤال اللي انت حابب تعرف اجابته .
الناس دي لما سافرت راحت ملاقتش اليورو مرمي في الشارع الناس دي خاطرت بحياتها في البحر.
ولو سافروا قانوني دفعوا مبالغ كبيرة.
واجهوا صعوبات كتيرة في الشغل والسكن واللغة.
اتحملوا الصعاب والغربة.
اشتغلوا في عمل لايليق بيهم وكان راتبهم حوالي 500يوروفي الشهر.
كان بيحرم نفسه من حاجات كتيرة مش لانه محروم او جشع لا
دا عشان عارف انه في غربة ولومعملش باجتهاد مش هيلاقي حد يمسح دمعته.
الشباب دول حافظوا علي الراتب الضعيف ده وبدؤا في فتح عمل خاص بيهم.
ومن هنا الناس دي بدأت تعمل وتبعت.
وكل ده مش في يوم وليلة.
الشباب دي الغربة خادت من عمرهم اكتر وتعبت وتحملت اكتر.
الناس دي عملت نفسها في سنين وسنين طويلة.
والكلام ده يخليك تفتح مخك وتفكر شوية المشكلة مش في العملة المشكلة انك تبحث عن هدف وتجري وراه. وتشوف البلد اللي هتقدمك امتيازات وفرص لانك انت لما بتقرر انك تسافر اوتهاجر فانتا مابدورش عن العملة انت بتبحث عن فرصة تبني بيها مستقبلك وكيانك لان احيانا بتكون العملة كبيرة لكن الفرص ضعيفة وأحيانا بتكون العملة ضعيفة لكن الفرص كتيرة عشان كده قبل ماتسافر اوتهاجر شوف أوضاع البلد وامتيازتها اللي هتفيدك.
مصر هي أم الدنيا وبلدي زمان كانوا الأجانب بيجوا يشتغلوا فيها عشان وقتها كانت البلد بتشجع علي الاستثمار والعمل وكانت هناك فرص كتيرة فيها.
اما دلوقتي الفرص فيها قليلة والرواتب فيها ضعيفة. وعشان كدا بنسافر عشان تبحث عن فرصة مش عشان عملة
لانك انا وانت لولقينا فرصة مع الراتب الضعيف ده ماكناش فكرنا نسافر اونبعد عنها.
ودي نصيحة مني للشباب.
العمل في روسيا.
عشان تشتغل في روسيا لازم تكون 1من خيارين.
- الخيار الأول الإقامة.
- الخيار الثاني بدون إقامة.
وكل خيار من ده له وضع خاص به وعمل خاص به.
الخيار الأول وهو الإقامة.
لو معاك إقامة تستطيع أن تعمل في اي شركة
- اواي مكان وراتبك يبدأ من30الف الي70الف
- حسب المكان اللي انت فيه.
الوضع الخاص بهذا الخيار.
- الحرية تستطيع أن تذهب الي اي مكان في اي وقت.
- اللغة ملوبة ومش مطلوبة.
- لايستطيع صاحب العمل ان ياخذ حقك اويرفض اعطائك راتبك واذا رفض تسطيع ان تقاضيه.
- البحث عن عمل اخر وترك عملك الحالي.
- العمل 8ساعات او12ساعة.
- تستلم راتبك في موعده المحدد كل شهر.
- يكون العمل علي حسب رغبتك وبدون وسيط بينك اوبين صاحب العمل.
- -تستطيع أن تفتح عمل خاص بيك.
اما الخيار الثاني وهو بدون إقامة.
- 1-لاتستطيع العمل في اي شركة ولكن بعض المحلات التجارية وليس جميعها.
- 2-يكون الراتب من15000الي35الف في الشهر.
الوضع الخاص بيه.
- لاتمتلك الحرية في الذهاب والخروج وتكون دائما مهددا من قبل الشرطة في الشارع اذا اوقفوك.
- يستطيع صاحب العمل طردك وعدم اعطائك راتبك ولاتستطيع ان تقاضيه.
- البحث عن عمل يكون بصعوبة.
- العمل 12ساعة الي16ساعة.
- عدم استلام راتبك في موعده المحدد كل شهر.
- يكون العمل عن طريق وسيطيبنك وبين صاحب العمل وبياخدمنك نسبة وايضا من صاحب العمل.
- لاتستطيع ان تفتح عمل خاص بيك.
- العمل المتاح لك هي الشيشة في الكافيه اوعامل شاورما اوحمال اوعتال في مصنع.
نصيحة لكل الشباب عايز تيجي روسيا لازم يكون معاك إقامة اوعقد عمل. غير كده انت بتبهدل نفسك.
ولوبدور علي شغل اسبلك اهم روابط البحث عن عمل في روسيا في اي مكان في روسيا. إذا كان معاك إقامة.
ا-Поиск работы на hh. Вакансии рядом с домом
wesam developer
2-Работа.ру: Вакансии и быстрый поиск работы рядом
wesam developer
3-Работа и вакансии Зарплата.ру 0+
wesam developer
4-Работа Superjob: поиск вакансий, создать резюме
wesam developer
ولومعكش إقامة انصحك ماتتعبش نفسك لانك مش هتلاقي.
اما بالنسبة للشباب خارح روسيا محتاج عقد عمل اوتقدم في جامعة روسية.
كل اللي عليك تكلم الرقم ده 79309104446+
والان اترككم لمشاهدة الفديو
إذا أعجبك المقال أو كان مفيدًا - ضع "أعجبني". اشترك في المدونة اوشارك برأيك في التعليقات! أراك لاحقا
المؤلف: وسام النجار
لقد تجولت في الحياة متجاهل أهم الأشياء. ثم عندما أنظر إلى الوراء، أجد أنه أنا فقط - أنتم والمدونة!
